বেংগালুৰুত চালকবিহীন গাড়ীৰ সফল উন্মোচন: ভাৰতীয় উদ্ভাৱন

বেংগালুৰুত উইপ্ৰ’, ইণ্ডিয়ান ইনষ্টিটিউট অৱ চাইন্স (আই আই এছ চি) আৰু আৰ ভি কলেজ অৱ ইঞ্জিনিয়াৰিঙৰ পদক্ষেপ WIRIN (Wipro-IISc Research and Innovation Network) নামৰ এখন চালকবিহীন গাড়ী উন্মোচন কৰা হয়।

সূত্ৰই জনোৱা মতে, ২৭ অক্টোবৰত আৰভি কলেজ অৱ ইঞ্জিনিয়াৰিঙত উন্মোচন কৰা হৈছিল এই প্ৰ’ট’টাইপ ড্ৰাইভাৰবিহীন গাড়ীখন।

ভাৰতীয় পথসমূহৰ সাধাৰণ প্ৰত্যাহ্বান যেনে অসমান পৃষ্ঠ, গধুৰ যাতায়ত, আৰু যাদৃচ্ছিক বাধা সমাধানৰ ওপৰত গুৰুত্ব আৰোপ কৰা এই গাড়ীখন যৌথ গৱেষণা প্ৰচেষ্টাৰ অংশ। খবৰ অনুসৰি,২০১৯ চনৰ আশে-পাশে আৰম্ভ হোৱা এই প্ৰকল্পত গৱেষক, ছাত্ৰ, অভিযন্তাৰ ছবছৰীয়া কামৰ প্ৰয়োজন হৈছিল।

দলটোৰ এজন ব্যক্তিয়ে কয়, “এই উদ্ভাৱন আৰু সহযোগিতা অধ্যাপক আৰু ছাত্ৰ-ছাত্ৰীৰ এটা দলে ছবছৰ ধৰি এখন থলুৱা স্বায়ত্তশাসিত গাড়ীৰ ডিজাইন আৰু বিকাশৰ ফল।”

গাড়ীখনে মানুহৰ নিয়ন্ত্ৰণ অবিহনে নিজাববীয়াকৈ চলাবলৈ কেমেৰা, চেন্সৰ, কৃত্ৰিম বুদ্ধিমত্তাৰ মিশ্ৰণ ব্যৱহাৰ কৰে। যদিও ই এতিয়াও পৰীক্ষাৰ পৰ্যায়ত আছে, প্ৰকল্পটোৱে দেখুৱাইছে যে ভাৰতীয় গৱেষক আৰু অভিযন্তাসকলে দেশত স্বয়ংচালিত গতিশীলতাৰ ব্যৱহাৰিক সমাধানৰ দিশত কেনেদৰে কাম কৰি আছে।

এটা চুটি ভিডিঅ’ত গাড়ীখনে কেম্পাছত মসৃণভাৱে চলাচল কৰা দেখা গৈছিল আৰু সন্মুখত এজন যাত্ৰী বহিছিল।

বহু অনলাইন ব্যৱহাৰকাৰীয়ে এই প্ৰচেষ্টাক প্ৰশংসা কৰি ভাৰতীয় অভিযান্ত্ৰিকতাৰ বাবে এক বৃহৎ জাঁপ বুলি অভিহিত কৰে। বিশেষজ্ঞসকলে কয় যে গাড়ীখন নিয়মীয়া ব্যৱহাৰৰ বাবে সাজু হোৱাৰ পৰা বহু দূৰত যদিও এই প্ৰকল্পটো এটা গুৰুত্বপূৰ্ণ শিক্ষণ পৰ্যায়।

ই দলসমূহক ভাৰতৰ জটিল পথৰ ব্যৱস্থাপনা আৰু অভাৱনীয় যাতায়তৰ প্ৰবাহ কেনেকৈ চম্ভালিব লাগে সেই বিষয়ে বুজিবলৈ সহায় কৰে। এতিয়াৰ বাবে সুৰক্ষা ব্যৱস্থা উন্নত কৰা আৰু গাড়ীখনৰ বাস্তৱ জগতৰ পথৰ পৰিস্থিতি অনুভৱ আৰু সঁহাৰি জনোৱাৰ ক্ষমতা পৰিশোধন কৰাত গুৰুত্ব দিয়া হৈছে।

কিন্তু এই সফল পৰীক্ষাই স্পষ্ট সংকেত দিছে যে ভাৰতৰ ঘৰুৱা প্ৰতিভাই দেশৰ প্ৰয়োজন অনুসৰি স্বয়ংচালিত প্ৰযুক্তি নিৰ্মাণৰ ওচৰ চাপিছে।